Header Ads

Responsive Ads Here

JUMIA TRAVEL YATOA TUZO KWA HOTELI NA WADAU WA UTALII NCHINI TANZANIA


  • Tuzo hizo zimefanyika kwa awamu ya pili ambapo ni katika kuonyesha kujizatiti kwake kwenye sekta ya huduma za hoteli na utalii

Dar es Salaam, Januari 26, 2018. Kampuni inayojihusisha na huduma za usafiri kwa njia ya mtandao barani Afrika, Jumia Travel, imeadhimisha awamu ya pili ya utoaji wa tunzo za hotel na usafiri katika hafla fupi iliyofanyika Januari 25, katika ukumbi wa hoteli ya Harbour View Suites jijini Dar es Salaam.

Tuzo hizo zimelenga kuzitambua na kuzitunuku hoteli, mashirika ya ndege na tovuti ambazo kwa namna moja ama nyingine zimechangia mafanikio kwenye sekta ya usafiri, huduma za hoteli, na utalii kwa mwaka 2017, pamoja na kuleta hamasa ya kutoa huduma bora kwa Watanzania.

Akizungumza wakati wa hotuba fupi ya ufunguzi kwenye hafla hiyo kwa niaba ya Meneja Mkazi wa Jumia Travel Tanzania, Meneja wa Uhusiano na Umma, Geofrey Kijanga alibainisha kuwa, “ni dhahiri kwamba sekta ya usafiri na utalii barani Afrika imekua ikikua kadiri miaka inavyokwenda, ambapo utolewaji wa huduma za hoteli na ndege umehamia mtandaoni. Kutokana na mabadiliko hayo, watoa huduma hawana budi kutoa huduma bora zaidi ili kutimiza mahitaji ya wateja wao.”

“Kwa kulitambua hilo, Jumia Travel tumeandaa tunzo kwa ajili ya hoteli, mashirika ya ndege, na tovuti mbalimbali ambazo zinaandika habari za kitalii, kuhamasisha utoaji wa huduma bora, kuziwezesha jitihada za hoteli kuboresha huduma zao ili kufikia matarajio ya wateja wao, pamoja na kukuza matumizi ya teknolojia mpya katika utoaji wa huduma za hoteli,” aliongezea Kijanga.

“Awamu ya pili ya utoaji wa tunzo hizi, umelenga kuwakutanisha wadau kutoka pande zote mbili za huduma za hoteli na utalii. Lengo kubwa ni kuutambua mchango wao na kuweka vigezo na viwango vya ubora kwa sekta ya utalii Afrika, na nafasi ya Jumia Travel katika jitihada hizi,” alisema na kumalizia, “Kwa ujumla, sherehe hizi zinakata kiu ya kuwahamasisha na kuwahimiza wamiliki wa hoteli kuboresha huduma zao, kwani hakuna kitu kama hiki kwa sasa. Lakini pia kutokana na ubora wa huduma zao wataweza kuyatangaza maeneo waliyopo, kuboresha utaalamu ndani ya sekta, kukuza hamasa ya matumizi ya njia za kidigitali, na kukuza sekta nzima ili kufikia viwango vya kimataifa.”

Tunzo hizo ambazo ziliwatunuku wadau wa huduma za hoteli na usafiri kwa mwaka 2017, zilijumuisha vipengele saba ambavyo ni: Tunzo ya Hoteli Bora kutoka Jumia Travel (Amaan Bungalows iliibuka washindi), Chaguo Bora la Wasafiri (Mazsons iliibuka washindi), Hoteli Bora ya Kifahari (Park Hyatt Zanzibar iliibuka mshindi), Hoteli Bora ya Kibiashara (Harbour View Suites iliibuka mshindi), Hoteli Pendwa na Wateja (Hotel White Sands: Beach Resort iliibuka washindi), Shirika Bora la Ndege (Precision Air iliibuka washindi), na Tovuti Bora ya Kitalii (Michuzijr Blogspot iliibuka mshindi).

Wakati akipokea tunzo ya Hoteli Bora ya Kibiashara, Meneja Mapokezi wa Harbour View Suites, Hemed Kiwanga alielezea furaha yake kwa kutunukiwa tunzo hiyo kwa mara ya kwanza kwamba ni ishara nzuri kuwa jitihada za utoaji wa huduma zao zinaonekana.

“Sikutarajia jioni hii kama hoteli yetu ingekuwa ni miongoni mwa washindi kwani kipengele tulichokuwemo kilikuwa na ushindani mkubwa. Nadhani tumestahili kupata tunzo hii kwani hoteli yetu ipo katika mazingira mazuri ya kibiashara, katikati kabisa ya jiji la Dar es Salaam, huku tukiwa na huduma zote ambazo mteja akija kwa shughuli za kibiashara anazipata,” alisema na kumalizia, “Nawashukuru tena Jumia Travel kwa tunzo hii na jitihada zao za dhati ambazo ni hamasa kwa wadau wa hoteli kutojisahau, kuendana na matakwa ya wateja pamoja na soko la sasa. Kwa wasioshinda kwenye awamu hii ningependa kuwatia moyo kutokata tamaa badala yake waone kama ni fursa ya kujipanga zaidi na kujifunza kutoka kwa washindi ni vitu gani vilivyopelekea mpaka kutunukiwa tunzo hizi ili nao waibuke washindi kipindi kijacho.”

Katika hafla hiyo fupi Jumia Travel iliweka wazi mipango yake katika kusukuma mbele zaidi sekta ya huduma za hoteli na utalii nchini na Afrika kwa ujumla. Ambapo ina mpango wa kuanzisha jukwaa litakalo wakutanisha wadau wa sekta ya utalii kujadili masuala yanayowakabili kwa pamoja. Na hii ni kufuatia mafanikio katika uzinduzi wa ripoti ya utalii mwaka 2017 kwa kushirikiana na Chama cha Hoteli Tanzania, Shirikisho la Utalii Tanzania, wamiliki wa hoteli, wataalamu mbalimbali, pamoja na mchango wa ripoti tofauti za ndani na nje ya nchi.        

Uzinduzi wa awamu ya kwanza ya tunzo hizi zilizofanyika mwaka 2016 ulikuwa ni kuhakikisha kujizatiti kwa Jumia Travel katika kuboresha huduma za usafiri Afrika, kuzifanya sherehe hizo kama mojawapo ya matukio muhimu kwenye sekta ya usafiri na utalii kwenye kila nchi. Kwa mwaka huu, tunzo hizi zilifanyika sambamba kwenye miji 6 Afrika ikiwemo Dar es Salaam (Tanzania), Algiers (Algeria), Dakar (Senegal), Abidjan (Ivory Coast), Accra (Ghana), Douala (Cameroon) na Kampala (Uganda). Wakati Kenya na Nigeria zitafanya sherehe zao mnamo Februari mosi, 2018.

Hoteli zilizokuwa zikiwania tunzo kwenye vipengele tofauti ni pamoja na: Hotel Slipway, Harbour View Suites, Hong Kong Hotel, Peacock Hotels (City Centre), Amaan Bungalows, Hotel White Sands: The Beach Resort, Mazsons Hotel, Jafferji House & Spa, Golden Tulip Zanzibar Boutique Hotel, Venus Premier Hotel, The Lodge Tellamande, Sea Cliff Court Hotel and Luxury Apartments, The Green of Oysterbay, Mount Meru Hotel, Maru Maru Hotel, Ras Michamvi Beach Resort, na New Africa Hotel.

Kwa upande wa shirika bora la ndege washiriki walikuwa ni: KLM, Fly Emirates, Precision Air, Ethiopian Airways, Air Tanzania, Fastjet, Coastal Aviation, na Auric Air. Na kwa kipengele cha tovuti bora inayoandika habari za kitalii nchini ilikuwa na washindani kama vile: Habari za Jamii Blogspot, Corporate-Digest.com, Michuzijr Blogspot, Zanzinews.com, Malunde.com, Kajunason.com, Robert Okanda Blogspot, Habari24 Blogspot, Njombe Yetu Blogspot, na Tangarahatz Blogspot.   

Kuhusu Jumia Travel
Jumia Travel (www.travel.jumia.com) ni kampuni nambari moja barani Afrika katika utoaji wa huduma za usafiri mtandaoni, inarahisisha huduma za usafiri kwa kumpatia uzoefu mtumiaji kwa kulinganisha bei na huduma zinazopatikana kwa njia ya haraka na salama zaidi.
Ikiwa ina hoteli zaidi ya 30,000 Afrika (na zaidi ya hoteli 300,000 duniani) na makampuni ya ndege zaidi ya mia moja kama washirika wake, Jumia Travel inalenga kutoa uhuru wa kusafiri kupitia kupunguza gharama za kusafiri, kutoa orodha kubwa ya hoteli na kuwezesha huduma bora na zenye viwango vya juu kwenye kila nchi husika ili kuwa mojawapo ya sehemu ambayo mteja atakidhi haja zake zote za kiusafiri barani.
Jumia Travel inafanya shughuli zake katika nchi zaidi ya 40 za Afrika, ikiwa na ofisi kwenye nchi 10 miongoni mwake, na wataalamu wa masuala ya kusafiri zaidi ya 400 ambao wapo tayari kuwahudumia wateja wakati wowote. Ofisi zetu kuu zinapatikana Lagos (Nigeria), Accra (Ghana), Dakar (Sénégal), Abidjan (Ivory Coast), Algiers (Algeria), Douala (Cameroon), Kampala (Uganda), Dar Es Salaam (Tanzania), Nairobi (Kenya) na Addis Ababa (Ethiopia). Kabla ya mwezi Juni 2016, Jumia Travel ilikuwa ikijulikana kama Jovago. Ilianzishwa 2013 na Jumia huku ikiendeshwa kwa ushirikiano wa MTN, Rocket Internet, Millicom, Orange, Axas, CDC Uk na washirika wengine.
 
Meneja Mauzo na Masoko wa 'Hotel White Sands: Beach Resort' Kemilembe Ramadhni (kushoto) akipokea tuzo ya ' Traveler's Choice Hotel (Chaguo la wasafiri) kwa Mwaka 2017, kutoka kwa Mwakilishi wa Chama cha Mahotelia Tanzania (HAT), Jennifer Kalemera wakati wa hafla ya kutoa tuzo za toleo la pili la 'African Travel Awards 2018' lilliloratibiwa na Jumia Travel, Dar es Salaam Januari 25 2018. (Imeandaliwa na Robert Okanda Blogs)


Meneja wa Mapato wa Jumia Travel, Fatema Ismailjee akiwasilisha mada kwa waliohudhuria hafla hiyo.  
Sehemu ya wadau na washiriki wa hafla hiyo wakifuatilia matukio ya utoaji wa tuzo hizo.
Mshauri wa Huduma za Usafiri wa Jumia Travel, Flora Rwehumbiza (kulia)  akimkabidhi Mwakilishi wa Park Hyatt Hotel ya Zanzibar, Magreth Mgoma baada ya kuibuka Hotel Bora ya kifahari Tanzania kwa Mwaka 2017, wakati wa hafla ya kutoa tuzo za toleo la pili la 'African Travel Awards 2018' lilliloratibiwa na Jumia Travel, Dar es Salaam Januari 25 2018.




Meneja wa Dawati la Wateja wa Hotel ya Harbour View Suites, Hemed Kiwanga (kushoto) akikabidhiwa tuzo ya Hotel Bora ya Kibiashara Tanzania na Mkuu wa Masoko wa Raha Liquid Telecom, Mahbib Jemedari wakati wa hafla hiyo.


Meneja wa Dawati la Wateja wa Hotel ya Harbour View Suites, Hemed Kiwanga (wa pili kushoto) akiwa katika picha ya pamoja na baadhi ya  wafanyakazi wa hoteli hiyo baada ya kukabidhiwa tuzo ya Hotel Bora ya Kibiashara Tanzania wakati wa hafla hiyo.



Meneja Masoko wa Jumia, Albany James akipokea tuzo kwa niaba ya Hotel ya Mazsons kwa kuibuka Hotel Bora Chaguo la Wasafiri kwa Mwaka 2017, kutoka kwa Mshauri wa Kampuni ya GSM Tour and Travels, Najah Ahmed wakati wa hafla hiyo. 

Meneja Mawasiliano wa Shirikisho la Utalii Tanzania (TCT), David Simkoko akimpongeza Mwakilishi Mchuzi Blogspot, Humphrey Shayo (kulia) baada ya kumkabidhi tuzo ya Blog bora  kwa Mwaka 2017, wakati wa hafla ya kutoa tuzo za toleo la pili la 'African Travel Awards 2018' lililoratibiwa na Jumia Travel Dar es Salaam Januari 25 2018.
Meneja Mahusiano na Mawasiliano wa Jumia Travel, Geofrey Kijanga akimkabidhi Tuzo ya Shirika la Ndege Maarufu kwa watalii, la Presicion Air, kwa Mshauri wa Jumia travel, Flora Rwehumbiza baada kuibuka bora katika Tuzo hizo.



Baadhi ya  wafanyakazi wa Kampuni hiyo wakifuatilia matukio ya kukabidhiwa tuzo kwa baadhi ya Hotel na wadau wa utalii Tanzania wakati wa hafla hiyo.

Sehemu ya wadau wakifuatilia matukio ya utoaji wa tuzo hizo.


Sehemu ya wadau wakifuatilia matukio ya utoaji wa tuzo hizo.

Meneja wa Mapato wa Jumia Travel, Fatema Ismailjee (kushoto) akiwa katika picha ya pamoja na wawakilishi wa Mahoteli na wadau mbalimbali walioibuka bora na kupokea tuzo kwa niaba ya Kampuni hizo.
Meneja wa Mapato wa Jumia Travel, Fatema Ismailjee (kulia) akiwa katika picha ya pamoja na baadhi ya wafanyakazi wa Kampuni hiyo baada ya kukabidhiwa tuzo kwa baadhi ya Hotel na wadau wa utalii Tanzania wakati wa hafla hiyo.

No comments