Header Ads

Responsive Ads Here

WAZIRI WA KILIMO TIZEBA”NCHI IMEJITOSHELEZA KWA KUWA NA CHAKULA KWA ZAIDI YA 100%”


 Waziri wa Kilimo Mhe Dkt Charles Tizeba akizungumza wakati wa maadhimisho ya siku ya kitaifa ya siku ya chakula
Duniani, yaliyofanyika katika Uwanja wa shule ya Msingi Kalangalala Mkoani Geita.
 Waziri wa Kilimo Mhe Dkt Charles Tizeba alipotembelea banda la Kampuni ya POLYTECH MACHINERY inayojishughulisha na uuzaji wa mashine mbalimbali ikiwemo za kukamua mafuta ya alizeti wakati wa maadhimisho ya siku ya kitaifa ya siku ya chakula
Duniani, yaliyofanyika katika Uwanja wa CCM Kalangalala Mkoani Geita. Mwingine ni Mhe Dkt Mary Mwanjelwa Naibu waziri wa Kilimo (Kulia).

Katibu Tawala wa Mkoa wa Geita ,Celestine Gesimba akiwatambulisha baadhi ya wageni wa Kitaifa na Mkoa wakati wa maadhimisho ya siku ya chakula Duniani.

Wananchi wakiwa kwenye mkutano wa maadhimisho ya siku ya chakula wakiendelea kufuatilia.

Mwigizaji maarufu wa kikundi cha Futuhi Brother K akionesha makeke yake kwenye maadhimisho ya Wiki ya chakula.
Naibu
Waziri wa Kilimo Mhe Dkt Mary Mwanjelwa akitoa salaamu za Wizara ya Kilimo na kuelezea 

Chimbuko
la Siku ya chakula Duniani  ambayo ilianzishwa mwaka 1979 .

Mwakilishi wa Shirika la FAO nchini Fred Kafeero ameelezea Vyanzo vya uhamaji vinahusiana moja kwa moja na maelngo ya Dunia ya kupamba na njaa ,uhakika wa chakula ,kupunguza umasikini vijijini na uhamasishaji wa matumizi endelevu wa rasilimali za asili.

Mwakilishi wa Mkurugenzi mkazi wa mpango wa chakula wa umoja wa mataifa(WFP) Neema Sitla ambapo ameelezea kuwa nchi zenye ukosefu wa uhakika wa chakula,huku zikigubikwa na migogoro,ambayo inatoa wakimbizi wengi  jambo ambalo linaweza kusababisha matokeo mabaya kwa sababu ya ongezeko la asilimia moja la kiasi cha njaa lina maana kwamba watu 200 wa ziada katika 10,000 wataikimbia nchi yao.

Diwani wa Kata ya Buseresere Godfrey Miti akipatiwa cheti na Waziri wa Kilimo Charles Tizeba  cha ushiriki kwenye maadhimisho hayo.

Mbunge wa Jimbo la Busanda ,Lolesia Bukwimba   akiwashukuru wananchi ambao wamejitokeza kwenye maadhimisho ya siku ya chakula.
Naibu Waziri wa Kilimo Mhe Dkt Mary Mwanjelwa akizungumza jambo na Katibu Mkuu wa Wizara ya Kilimo Mhandisi Methew Mtigumwe wakati wa maadhimisho ya siku ya kitaifa ya siku ya chakula
Duniani, yaliyofanyika katika Uwanja wa CCM Kalangalala Mkoani Geita.

Na JOEL MADUKA 
Waziri wa Kilimo Mhe Dkt Charles Tizeba leo
Octoba 16, 2017 amefunga rasmi maadhimisho ya siku yakitaifa ya siku ya chakula
Duniani, yaliyofanyika katika Uwanja wa CCM Kalangalala Mkoani Geita kuanzia
Octoba 10 mpaka Octoba 16, mwaka 2017.
Akizungumza katika Kilele cha Maadhimisho hayo waziri Tizeba alisema
kuwa Uzalishaji wa
mazao ya chakula kwa mwaka 2016/2017 umefikia tani 15,900,864 za chakula kwa mlinganisho wa nafaka. Kati ya kiasi
hicho, tani 9,388,772 ni za mazao ya
nafaka na tani 6,512,092 ni za mazao
yasiyo nafaka.  Mahitaji ya chakula kwa
mwaka 2017/2018 yatakuwa tani 13,300,034
ambapo tani 8,457,558 ni kwa mazao
ya nafaka na tani 4,842,476 ni mazao
yasiyo nafaka.   


DktTizeba alisema kutokana na uzalishaji
huu, nchi itakuwa na kiwango cha utoshelevu wa asilimia 120 ambapo kiwango hiki kinaonyesha kuwa nchi itakuwa na
ziada ya chakula ya tani 2,600,831
ambapo mazao ya nafaka kutakuwa na ziada ya tani 931,214 na mazao yasiyo nafaka ni tani 1,669,617 kwa viwango vya utoshelevu vya asilimia 111 na 134
mtawalia.


Dkt  Tizeba aliendelea kusema Madhumuni ya Maadhimisho
ya Siku ya Chakula Duniani ni kutoa nafasi ya kutafakari, namna Jamii katika
ngazi ya Kaya, Kijiji, Kata, Tarafa, Wilaya, Mkoa, Taifa na  Kimataifa zinavyoweza kuhakikisha ongezeko la
uzalishaji na upatikanaji wa chakula cha kutosha na chenye lishe bora kwa watu
wote na kwa wakati wote. 
 
Alisema kuwa Kila mwaka Shirika la Chakula Duniani (FAO)
baada ya kufanya tathmini ya hali ya Chakula hutoa Kaulimbiu ambayo huwa ni
dira ya maandalizi na maadhimisho ya Siku ya Chakula Duniani.  
 


Kaulimbiu ya mwaka huu 2017 inasema Badili mwelekeo wa uhamaji; Wekeza katika
usalama wa chakula na maendeleo Vijijini”.Kaulimbiu hii inaweka umuhimu katika kuweka Mipango na
Programu zinazolenga kuongeza tija na uzalishaji wa mazao ya kilimo na mifugo
Vijijini; kupuza utegemezi na kuongeza usawa katika Jamii, sambamba na uhifadhi
mazingira ambayo ndiyo muhimu katika maendeleo ya kilimo na hifadhi ya Jamii
ili yachochee jitihada za kuondoa umaskini.
 
Alisema kuwa maadhimisho ya Siku ya Chakula Duniani
kwa mwaka huu ni ya kujivunia kutokana na mafanikio makubwa yaliyopatikana
katika uongozi wa Awamu ya Tano chini ya Rais John Pombe Magufuli, kwa kipindi
chote nchi yetu imejitosheleza kwa chakula kwa zaidi ya asilimia 100 na hivyo
kuwa na ziada ya chakula. 
 

Katika hatua nyingine Mhe waziri wa kilimo ametumia fursa
hiyo kuwaasa wananchi wote kuwa na hifadhi ya chakula katika kaya zao na
kutumia chakula kilichopo kwa uangalifu hadi msimu mwingine wa mavuno. 

 
‘‘Wahenga walisema usione vyaelea
vimeundwa; hivyo mafanikio tuliyoyapata ni matokeo ya jitihada za Serikali,
Wadau, Wabia wa Maendeleo na Wananchi wote kwa ujumla wao kwa kuendelea
kushiriki katika shughuli za maendeleo hususani kilimo, ufugaji, uvuvi na
huduma mbalimbali zinazotolewa, Aidha
zipo changamoto mbalimbali zikiwemo,
mabadiliko ya tabianchi, ambayo kwa kiasi kikubwa yanachangia kupungua kwa
uzalishaji na tija ya mazao, uhaba wa malisho ya mifugo na rasilimali maji
lakini Tumejipanga kuendelea, kukabiliana na changamoto za mabadiliko ya
tabianchi, ikiwa ni pamoja na kuzalisha mbegu bora zinazovumilia ukame,
magonjwa na kutoa mavuno mengi” Alisema Mhe Dkt Tizeba 

 
Sambamba na hilo, alisema kuwa serikali imejipanga kuendelea kuwaelimisha na kuwasaidia

Wafugaji wa Tanzania, kufuga kitaalamu zaidi ili kuepuka ile hali ya kuhamahama
kwa ajili ya kutafuta malisho na maji. 

 
Kilele 
cha maadhimisho ya siku ya Chakula Dunia ilihudhuriwa na Makatibu Wakuu, Makatibu
Tawala, Mwakilishi wa Shirika la Chakula na Kilimo la Umoja wa Mataifa (FAO), Mwakilishi
wa Shirika la Mpango wa Chakula Duniani (WFP), Waheshimiwa Wakuu wa Wilaya, Wakurugenzi
wa Halmashauri za Wilaya, Miji na Majiji, Viongozi wa Vyama vya Siasa, na Viongozi
wa Dini. 

 

No comments