Header Ads

Responsive Ads Here

SERIKALI YAHITIMISHA ZOEZI LA UHAKIKI WA NGOs NCHINI


Pix 1
Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga(kushoto) akizungumza na wadau wa Mashirika Yasiyo ya Kiserikali na waandishi wa habari Mjini Morogoro wakati akihitimisha zoezi la uhakiki wa NGOs nchini ulioanza Mwezi Agosti Mwaka 2017 kulia ni Msajili wa Mashirika Yasiyo ya Kiserikali Bw. Marcel Katemba.

Pix 2
Msajili wa Mashirika Yasiyo ya Kiserikali Bw. Marcel Katemba akiwashukuru wadau wa mashirika yasiyo ya Kiserikali nchini kwa ushirikiano wao katika zoezi zima la uhakiki wa NGOs nchini kushoto ni Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga.
Pix 3
Katibu Mkuu wa Baraza  la Taifa la NGOs Bw. Ismail Suleiman akitoa salamu za Baraza  kwa Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga(hayupo pichani) wakati wa kuhitimishwa kwa zoezi la uhakiki wa Mashiriki Yasiso ya  Kiserikali Mjini Morogoro.
Pix 4
Kaimu Mkurugenzi wa Uratibu wa Mashirikia Yasiyo ya kiserikali Bi. Tausi Mwilima (kulia) akitoa taarifa ya zoezi la uhakiki kwa Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga (hayupo pichani) wakati wa kuhitimishwa kwa zoezi la uhakiki wa Mashiriki Yasiso ya  Kiserikali Mjini Morogoro.
Pix 5
Mwakilishi wa Mashirika Yasiyo ya Kiserikali Bw. Abraham Salim akitoa neno la shukrani kwa Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga (hayupo pichani) wakati wa kuhitimishwa kwa  zoezi la uhakiki wa Mashirika hayo. 
Pix 6
Baadhi ya watendaji wa Wizara ya Afya, Maendeleo ya Jamii, Jinsia, Wazee na Watoto wadau wa Mashirika Yasiyo ya kiserikali nchini wakimsikiliza Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga( hayupo pichani) wakati wa zoezi la kuhitimishwa kwa zoezi la  uhakiki wa Mashirika Yasiyo ya kiserikali nchini.
Pix 7
Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga (kulia) akijadiliana jambo na mmoja wa wadau wa Mashirika Yasiyo ya Kiseriakali nchini mara baada ya kuhitimisha zoezi la uhakiki kwa Mashirika hayo.
Pix 8
Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga akiwa katika picha ya pamoja na baadhi ya watendaji wa Wizara ya Afya, Maendeleo ya Jamii, Jinsia, Wazee wadau Mashirika Yasiyo ya Kiserikali mara baada ya kuhitimisha zoezi la uhakiki kwa Mashirika hayo.
Picha na Kitengo cha Mawasiliano Serikalini WAMJW
………
Na Kitengo cha Mawasiliano Serikalini WAMJW
Serikali kupitia Wizara ya Afya, Maendeleo ya Jamii, Jinsia , Wazee na Watoto imehitimisha zoezi la uhakiki kwa Mashirika Masiyo ya Kiserikali nchini ulioanza Mwezi Agosti mwaka 2017.
Akizungumza wakati wa kutoa taarifa kwa umma kuhusu kukamilisha zoezi hilo Katibu Mkuu Maendeleo ya Jamii, Jinsia, Wazee na Watoto Bibi Sihaba Nkinga amesema kuwa jukumu la Wizara ni kusajili na kuratibu shughuli za Mashirika Yasiyo ya Kiserikali kwa mujibu wa Sera ya kitaifa ya Mashirikka Yasiyo ya Kiserikali ya mwaka 2001.
Ameongeza kuwa Serikali imeendelea kuimarisha uratibu wa mashirika yasiyo ya kiserikali nchini kwa kuimarisha mifumo ya uratibu kwa kushirikiana na Halmashauri zote nchini.
Bibi Sihaba Nkinga ameyataka Mashirika Yasiyo ya Kiserikali nchini kuzingatia Sheria, taratibu na kanuni zilizopo katika kuendesha kazi zao katika kuhudumia jamii.
“Tumekamilisha zoezi hili kwa kipindi tulichokiweka na ninawaomba wadau wetu wa Mashirika Yasiyo ya Kiserikali nchini  kuzingatia Sheria na taratibu zilizopo katika utendaji wa shughuli zao la kila siku” alisema Bibi Sihaba.
bibi Sihaba mefafanua kuwa Mashirika ambayo hayakuweza kuhakikiwa kwa sababu za msingi katika kipindi chote cha uhakiki, yanatakiwa kufika Ofisi ya Msajili wa NGOs ili kukamilisha zoezi hilo na mara baada ya tarehe hiyo muda wa uhakiki utasitishwa na mashirika hayo hayataruhusiwa kufanya kazi yoyote nchini kwa kushindwa kuzingatia taratibu.
Kwa upande wake Msajili wa Mashirika Yasiyo ya Kiserikali nchini Bw. Marcel Katemba amewashukuru wadau wa Mashirika Yasiyo ya Kiserikali nchini kwa kujitokeza kuhakiki Mashirika yao na kuwaomba kuendeleza ushirikiano uliopo kati yao na Serikali.
“ Niwashukuru wadau wetu kwa kujitoa kwao na kuona umuhimu wa kushiriki na kuwa waangali wa zoezi hili la uhakiki wa Mashirika yao” alisema Bw. Katemba.
Naye Katibu Mkuu wa Baraza la Mashirika Yasiyo ya Kiserikali nchini Bw. Ismail Suleiman ameishukuru Serikali kwa kuendesha zoezi la uhakiki wa mashirikka hayo nchini kwa lengo la kusaidia kukuza ufanisi wa kazi zao.
“Tunaishukuru Serikali kwa zoezi hili ambalo litatusaidia kuendesha shughuli zetu kwa kuzingatia Sheria na taratibu zilizopo”alisema Bw. Suleiman.
Zoezi hili limefanikisha kuhakiki wa jumla ya Mashirika Yasiyo ya Kiserikali 3,186 kati ya Mashirika 8,500 yaliyotarajiwa kuhakikiwa. Aidha, Mashirika Yasiyo ya Kiserikali 2,655 yamesajiliwa chini ya Sheria ya Mashirika Yasiyo ya Kiserikali Na. 24 ya mwaka 2002 kama ilivyorekebishwa mwaka 2005 na Mashirika 518 yamesajiliwa chini ya Sheria nyingine.

No comments