MIAKA MITANO JELA KWA KUSAFIRISHA BINADAMU

Na Mwandishi  Maalum,

 Jackline Milinga (23) na  wenzake  wawili    wamehukumiwa kwenda jela miaka mitano kila mmoja au kulipa faini ya  Sh. Milioni  10 baada ya  kukutwa na hatia ya usafirishaji wa binadamu.

Hukumu hiyo ilitolewa  jana ( jumatano ) na  Hakimu Mkazi  Mwandamizi Godfrey  Mwambapa wa Mahakama ya Kisutu   baada ya kujiridhisha na ushahidi usiotia shaka uliowasilishwa na  upande wa mashtaka.

 Wengine waliohukumiwa pamoja na Jackline Milinga ni  Mary Amukowa ( 29)  raia wa  Kenya na Simon Mgaya.

Wasichana hao kumi  waliokuwa  na umri kati ya miaka 17 na 21 walikamatwa tarehe September  4, 2015  katika eneo la  Namanga mpakani mwa Tanzania na  Kenya wakiwa katika harakati za kuingizwa nchini  Kenya.  Wote  walikuwa ni wakazi wa Dar es Salaam.

Maafisa wa Uhamiaji waliwatilia shaka wasichana hao baada ya kuwaona wakiwa  wanarandaranda katika eneo hilo, na walipowahoji walisema, walikuwa wakiwasubiri ‘mabosi ‘  wao ambao walikuwa wakiwapeleka nchini Kenya  kwenda kufanya kazi Saloni.

 Mabosi hao Jackline na  Mary  walikuwa  wameshavuka    mpaka  na kuingia nchini  Kenya kuendelea na taratibu nyingine za kuwavusha wasichana hao.

 Maafisa wa uhamiaji   walipowapekua  zaidi  wasichana hao walikuta kwenye mabegi yao   nguo  za ajabu ajabu, vipodozi na  viatu virefu, vitu ambavyo  havikuashiria kwamba wasichana hao  walikuwa wakienda kufanya shughuli halali.

Baada ya kujionea mavazi hayo,  Maofisa hao  waliwataka  wasichana hao  kuwapigia simu  kuwapigia  simu  mabosi wao  na waliporudi upande wa Tanzania  walikamatwa.

Baada ya  Jackline  Milinga na Mary Amukowa   kufanyiwa mahojiano  walimtaja  Simon Mgaya ambaye walikuwa wakishirikiana naye  katika kuwatafuta  wasichana  waliokuwa na vigezo walivyovihitaji   na  pia alisaidia  katika upatikanaji wa hati za kusafiria  za muda kwa wasichana wawili kati ya kumi waliokuwa wakisafirishwa.

            Mawakili wa Serikali  walioendesha kesi hiyo Jacline Nyatori na Estazia Odhiambo walileta mashahidi 12  wakiwamo   wasichana wanne kati ya wale  kumi,Maafisa  Uhamiaji, Polisi  , Polisi wa  Interpol na mtaalamu wa uhalifu wa mitandaoni,  ambaye alisaidia kupatika kwa vielelezo kadhaa zikiwamo picha za wasichana hao.

Mawakili  wa Serikali  Nyatori na Odhiambo waliiomba  Mahakama kutoa adhabu ya kifungo kisichozidi miaka 10 na kisichopungua miaka  miwili na  faini  ya  kuanzia milioni tano na isiyozidi milioni  100.

Mawakili hao  katika  maelezo yao walisema washtakiwa  hao walistahili adhabu kali kutoka na kwamba walitenda kosa  la udhalilishaji  mkubwa  kwa wasichana hao .  Aidha walitaka adhabu kali ili iwe fundisho kwa wengine kutokana na  ukweli kwamba kumekuwako na matukio mengi ya usafirishaji wa binadamu na.

Imetolewa

Ofisi ya Mwasharia Mkuu wa Serikali

Dar es Salaam