Header Ads

Responsive Ads Here

SERIKALI KUONDOA KERO YA TATHIMINI YA ATHARI YA MAZINGIRA – MPINA


dau1
Kushoto Naibu Waziri Ofisi ya Makamu wa Rais Muungano na Mazingira Mhe. Luhaga Mpina akisikiliza jambo kutoka kwa mmoja wa wadau hayupo pichani, katika kikao kilichohusisha wamiliki wa viwanda na wenye mashule wanaotoa maji taka kwa wingi jijini Dar Es Salaam, kikao hicho Pia kilihusisha mamlaka ya maji safi na maji taka jijini Dar es Salaam Dawasco na wamiliki wa miundombinu hiyo Dawasa, kulia n Mratibu wa baraza la Taifa la Hifadhi na usimamizi wa mazingira NEMC Bw. Jafari Chimgege.

dau2
Sehemu ya wadau walioshiriki  katika kikao kilichohusisha wamiliki wa viwanda na wenye mashule wanaotoa maji taka kwa wingi jijini Dar Es Salaam, kikao hicho Pia kilihusisha mamlaka ya maji safi na maji taka jijini Dar es Salaam Dawasco na wamiliki wa miundombinu hiyo Dawasa.
dau3
Sehemu ya wadau walioshiriki  katika kikao kilichohusisha wamiliki wa viwanda na wenye mashule wanaotoa maji taka kwa wingi jijini Dar Es Salaam, kikao hicho Pia kilihusisha mamlaka ya maji safi na maji taka jijini Dar es Salaam Dawasco na wamiliki wa miundombinu hiyo Dawasa.
……………………………………………………………………..
Na EVELYN MKOKOI-DSM
Naibu Waziri Ofisi ya Makamu wa Rais Muungano na Mazingira Mhe. Luhaga Mpina, amesema Serikali imejipanga kuondoa kero za upatikanaji wa vyeti vya tathmini ya athari ya mazingira kwani imeonekana kuwa ni kero kwa wawekezaji wenye viwanda nchini kwa kile alichokieleza kuwa upatikanaji huo umekuwa ni wa mlolongo wa munda mrefu, gharama kubwa na urasimu uliokithiri.
Mpina ameyaongea hayo leo Ofisini kwake mtaa wa Luthuli jijini Dar es salaam alipokuwa katika kikao cha pamoja kilichohusisha  baadhi ya wadau wamiliki wa viwanda na wenye mashule jijini Dare s salaam ambao wanazalisha maji taka kwa wingi, pamoja na mamlaka ya maji safi na maji taka Jijini Dar es Salaam na Pwani DAWASCO na wamiliki wa miundombinu ya maji safi na maji taka Dar es Salaam DAWASA.
Naibu Waziri Mpina aliwataka wamiliki  hao wa viwanda wahakikishe hawatatirirrisha maji kiholela na kuwa na mfumo wa kuyatibu maji taka kabla ya kuyaondosha.
“ Nasisitiza kuwepo kwa ushirikiano kati ya wawekezaji wenye viwanda hivi na DAWASCO na kuweza kutengeneza mfumo wa utendaji katika suala la uondoshwaji wa maji taka kwa pamoja na niupate ndani ya siku saba.” Alisema Mpina.
“ Kwa wamiliki wa viwanda mliyopo hapa nimeshafanya ziara za ukaguzi katika viwanda vyenu halikadhalika na kwa wamiliki wa mashule, nawapa miezi mitatu kwa kila mmoja wenu kuacha kutitirisha maji taka katika mazingira, kuyatibu na kuyaelekekeza katika mfumo wa maji taka wa DAWASCO.
Aidha Naibu Waziri Mpina aliongeza kwa kusema kuwa Serikali ya awamu ya tano haitakuwa na uvumilivu katika suala zima la uchafuzi wa mazingira hasa kwa wenye viwanda, na itawachukulia hatua kali ikiwa ni pamoja na kuvifunga kabisa viwanda vitakavyo kaidi maagizo ya serikali kwa kuchafua mazingia.
Akiwasilisha Mpango Mpya wa mradi mpya wa kunusuru uchafuzi wa mazingira utokanao na maji taka katika jiji la Dar es Salaam, Meneja utendani kutoka DAWSCO Bi. Modester Mushi, Ameeleza kuwa shirika hilo limepata ufadhili wa dola Milioni 600 za marekani kutoka kwa wafadhili wa maendeleo wa  shirika la maendeleo la Denmark, Bank ya Maeneleo ya Ufaransa na Bank ya dunia utakaohusisha ujenzi wa miundombinu ya majitaka na uondoshwaji na uhifadhi wa majitaka jijini Dar Es Salaam na Pwani.
Kikao cha Leo cha Naibu waziri Mpina na wamiliki wa shule na wenye viwanda vinavyotoa maji taka kwa wingi na DAWASCO pamoja na DAWASA  ni hatua ya awali ya kukabiliana na uchafuzi wa Mazingira utokanao na maji taka jijini Dsm na Pwani.

No comments